TRABALLANDO A IGUALDADE (3/3)

O 30 DE ABRIL TIVEMOS A ÚLTIMA SESIÓN

DOS OBRADOIROS DE IGUALDADE, CON CRUZ

NESTA OCASIÓN, PLANTEXÓUSENOS O SEGUINTE:

PEPE E PEPA SON UNHA PARELLA QUE TEÑEN UN MONTÓN DE TAREFAS QUE FACER;

AO METER A MAN DENTRO DUN SOBRE

SACAREMOS UNHA IMAXE QUE REPRESENTA UNHA TAREFA

E QUE HAI QUE ADXUDICAR A PEPE OU A PEPA,

EXPLICANDO EN QUE CONSISTE A TAREFA 

E O MOTIVO DE ATRIBUÍRLLA A UN OU A OUTRA

ASÍ QUE TODOS E TODAS FOMOS SACANDO UNHA IMAXE 

E ADXUDICÁNDOLLA A PEPE OU A PEPA

ESTE É O RESULTADO FINAL:

A NOSA HISTORIA ESTABA BASEADA EN IDEAS E OPINIÓNS COMO:

"PEPA NON TRABALLA, SÓ FAI AS COUSAS DA CASA"

"PEPA FAI TAREFAS DA CASA A COTÍO: COIDAR DO BEBÉ, PASAR O FERRO, FREGAR O CHAN, COSER, IR Á COMPRA, FACER AS CAMAS, PREPARAR A COMIDA... E PODE PINTAR; MENTRES QUE PEPE METE A ROUPA NA LAVADORA, ARRANXA AS COUSAS QUE SE ESTRAGAN (É O QUE SABE CAMBIAR UNHA BOMBILLA E SUBIR A UNHA ESQUEIRA), COIDA DO CAN (PORQUE É PERIGOSO), RECOLLE A FROITA DAS ÁRBORES, CORTA O CÉSPEDE, FREGA A LOUZA E AXUDA AO BEBÉ CANDO SE PON ENFERMO..."

"PEPE TRABALLA FÓRA"

O COCHE PROVOCOU MOITO DEBATE, ACABOU NA LISTA DE PEPA 

PORQUE ENTENDEMOS QUE 

"PEPA LÉVAO Á COMPRA OU SE TEN QUE IR A ALGÚN SITIO; PERO AO TALLER LÉVAO PEPE"

UN CONTO... POLO MENOS, PARA REFLEXIONAR

NA AULA, ASÍ O FIXEMOS... 

SE PEPA NON TRABALLA, NON FAI NADA... QUEN FAI O DA CASA?

SE PEPA TIVESE QUE TRABALLAR FÓRA DA CASA, QUE PASARÍA COAS TAREFAS QUE FAI?

QUEN CONDUCE COCHES NAS NOSAS FAMILIAS?

A MESTRA SUBIU ALGUNHA VEZ Á ESQUEIRA?

QUE FAN AS NOSAS NAIS E OS NOSOS PAIS NA CASA?

OS "PEPES" PODEN COCIÑAR?

AS "PEPAS" PODEN CAMBIAR UNHA BOMBILLA?

E, FALANDO E PENSANDO... CHEGAMOS Á CONCLUSIÓN DE QUE 

AS TAREFAS DE PEPA, PÓDEAS FACER PEPE

E AS TAREFAS DE PEPE, PÓDEAS FACER PEPA

OU... MOITO MELLOR!!!

PEPA E PEPE PODEN COMPARTIR AS TAREFAS,

ORGANIZÁNDOSE COMO ACORDEN 

E NON POLO "TIPO DE TAREFA"

MOITAS GRAZAS, CRUZ!

POR FACERNOS REFLEXIONAR SOBRE ESTAS CUESTIÓNS